Mfalme wa Qatar ampa Trump zawadi ya ndege

Ripoti mbalimbali zimeeleza uwa Familia ya kifalme ya Qatar chini ya Mfalme Amir Sheikh Tamim bin Hamad Al Thani imempa Rais wa Marekani Donald Trump ndege ya kifahari ya Boeing 747-8 kwa ajili ya matumizi yake kama Air Force One ya muda wakati wa urais wake wa pili.

Kulingana na taarifa zilizopo, ndege hiyo, yenye thamani ya takriban dola za Marekani milioni 400, inasemekana iko chini ya majadiliano kati ya Qatar na Marekani kama "utekelezaji wa muda" badala ya zawadi rasmi. 

Qatar imekanusha madai ya kutoa ndege hiyo kama zawadi, huku Trump akisema kuwa ni mpango wa wazi unaohusisha Wizara ya Ulinzi ya Marekani. Ameipongeza ndege hiyo kama nafuu kwa walipa kodi ikilinganishwa na Air Force One za sasa.

Hata hivyo, suala hili limezua wasiwasi wa kimaadili na kisheria. Wataalamu wanasema kukubali ndege hiyo kunaweza kukiuka Katiba ya Marekani (Foreign Emoluments Clause), ambayo inazuia viongozi wa serikali kupokea zawadi za gharama kubwa kutoka serikali za kigeni. 

Aidha, kuna maswali kuhusu nia ya Qatar na hatari za usalama zinazohusiana na ndege iliyotengenezwa nje ya Marekani, kama vile uwezekano wa vifaa vya upekuzi.

Ndege hiyo iko San Antonio, Texas, labda kwa uboreshaji. Maswali ya kimaadili yanabaki, hasa kuhusu nini Qatar inatarajia kutoka kwa Trump na jinsi ndege hiyo itakavyotumika baada ya urais wake.