Sasa itakuaje ? Wananchi wasisitiza kugomea Kariakoo Derby.

Klabu ya Yanga imethibitisha kupokea maelekezo ya CAS ya kurudi kwenye Kamati za ndani za Soka ili kushughulikia kesi yao.

Yanga imesisitiza kuwa haina imani na haiko tayari kupeleka shauri hilo kwenye Mamlaka ambazo zinatenda dhulma na hawatocheza mechi dhidi ya Simba.

“Uongozi wa Young Africans Sports Club unapenda kuutaarifu Umma kuwa umepokea majibu kutoka Mahakama ya Kimataifa ya Usuluhishi wa Michezo (CAS] kuhusu kesi yetu namba CAS 2025/A/11298.
 

“CAS imeielekeza Young Africans Sports Club kurudi kwanza kwenye Kamati za ndani za Soka ili kushughulikia kesi yetu kabla ya kurudi kwao kwa ajili ya hatua za rufaa”.

“Lakini kutokana na uonevu, uvunjwaji mkubwa wa kanuni na upendeleo wa dhahiri kwa baadhi ya timu unaoendelea kufanywa na Mamlaka za soka Tanzania, Vongozi wa Young Africans Sports Club hauna imani na hauko tayari kupeleka shauri hilo kwenye Mamlaka ambazo zinatenda dhulma”.

“Aidha, Vongozi wa Young Africans Sports Club unapenda kuujulisha Umma kuwa, msimamo wa Klabu yetu juu ya mchezo namba 184 wa Ligi Kuu Msimu huu uko palepale kuwa hatutashiriki kwenye mchezo huo kwa namna yoyote ile”.

"Wanayanga wote, watakuwa tayari kuipambania haki yao kivyovyote vile ili kukomesha dhulma na uvunjwaji mkubwa wa kikanuni unaoendelea kufanywa na Mamlaka za soka kwa maslahi mapana ya maendeleo ya soka nchini” - imesema taarifa hiyo kutoka klabu ya Yanga.