bottom

side-square-one

side-square-two

side-tall

<h2>Utangulizi&nbsp; Baada ya mchezo wa hatua ya 32 bora ya kombe la dunia 2026 dhidi ya Cape Verde, kocha mkuu wa timu ya Taifa ya Argentina Lionel Scaloni alinukuliwa akisema maneno haya;</h2>&nbsp;<img src="https://images-pmtv.nyc3.digitaloceanspaces.com/images/v1/be21e979-7faa-4514-8d26-cfed05a1cda3.jpg">&nbsp;Maneno hayo ya Scaloni hayakuja tu hivihivi, bali ni kwasababu ya ushindani wa kimbinu ambao Argentina iliupata kutoka kwa Cape Verde chini ya kocha Pedro Leitão Brito ‘Bubista’.&nbsp;Licha ya kupoteza 3-2, Cape Verde walionyesha nidhamu kubwa ya kimbinu dhidi ya Argentina kama walivyofanya kwenye mechi zingine 3 za hatua ya makundi, utofauti baina yao na wapinzani wao ulikuwa ubora wa wachezaji kiufundi, kiakili na utimamu wa kimwili Kama;&nbsp;1. Hispania, nafasi ya 2 kwa ubora duniani 2. Uruguay, nafasi ya 16 kwa ubora duniani 3. Saudi Arabia, nafasi ya 61 kwa ubora duniani 4. Argentina, nafasi ya kwanza kwa ubora duniani&nbsp;<h2>Mbinu za Bubista zilizowabeba Cape Verde.</h2>&nbsp;Nidhamu kubwa ya Cape Verde kimbinu ilionekana kwa namna timu hiyo inavyowasilisha mbinu zake uwanjani kwa mifumo/miundo ya uchezaji, staili za uchezaji kwenye nyakati zote za kimbinu uwanjani dhidi ya wapinzani wao, nyakati hizo ni;&nbsp;<h3>Timu isipokuwa na umiliki wa mpira (Out Of Possession)</h3><h3>&nbsp;</h3>Kutokana na aina ya wapinzani waliokutana nao, ilitegemewa kuwa kwenye kila mchezo watakaoingia uwanjani, Cape Verde wangepaswa kutawala zaidi mchezo kwa kuzuia zaidi nyakati nyingi ili kumeza ubora wa kiufundi wachezaji wa wapinzani wao.&nbsp;<figure class="image image-style-side"><img style="aspect-ratio:831/465;" src="https://images-pmtv.nyc3.digitaloceanspaces.com/images/v1/90444e2d-5760-457b-9af7-72c6c714d447.jpg" width="831" height="465"></figure>&nbsp;Cape Verde walifanya hivyo kwa ufanisi wa kiwango cha juu kwani kwa wastani kwenye mechi zote 4 za kombe la dunia waliweza kuwa na umiliki wa mpira wa 33.2% huku nyakati nyingi wakizuia nyuma ya mpira hasa kwenye theluthi zao mbili za nyuma (Mid &amp; Low Block) lengo likiwa ni kuzuia njia za wapinzani wao kweza kuwafikia kirahisi na kuwadhuru.&nbsp;<figure class="image image-style-side"><img style="aspect-ratio:1919/1075;" src="https://pictures.tribuna.com/image/5a30a942-9a3f-4db4-84ea-236f5e0daa23?width=1920&amp;quality=70" width="1919" height="1075"></figure> &nbsp;Kwenye mechi zote hizo Cape Verde walizuia zaidi na mfumo wa 4-1-4-1 ambao ulinyumbulika kwenye miundo tofuati kulingana na theluthi ambapo wapinzani wanamiliki mpira;&nbsp;• 4-1-4-1 - Mpira ukiwa kwenye theluthi ya mbele (High Block)&nbsp;Cape Verde walizuia kwa shinikizo la chini wakizuia njia za wapinzani wao kuweza kujenga shambulizi kuanzia nyuma &nbsp;(buid up from back) na kuzuia wachezaji wa timu pinzani kuendeleza kirahisi (build up progression) ambapo;&nbsp;&nbsp;- Mstari wao wa mbele ulikuwa na mchezaji mmoja, Livramento (Tavares/Da Costa) ambaye mara nyingi huwa dhidi ya wachezaji watatu wa timu pinzani, kipa na mabeki wa kati&nbsp;- Mstari unaofuata huwa na wachezaji wanne, viungo washambuliaji wawili wa kati Monteiro na Duarte (J. Duarte/ D. Duarte au Arcanjo) dhidi ya viungo wawili wa kati wa timu pinzani, na pembeni viungo washambuliaji wa pembeni Mendes na J. Carbal dhidi ya mabeki wa pembeni wa timu pinzani&nbsp;- Nyuma ya hao viungo washambuliaji wanne anasimama kiungo wao wa kati Lenin mbele ya mabeki kuzuia kiungo mshambuliaji wa timu pinzani kupokea mipira na kuwachezesha washambuliaji wake&nbsp;• 4-5-1 - Mpira ukiwa kwenye theluthi ya kati na nyuma (Mid &amp; Low Block) &nbsp;<figure class="image image-style-side"><img style="aspect-ratio:1356/675;" src="https://images-pmtv.nyc3.digitaloceanspaces.com/images/v1/0813a833-cc3f-489b-b384-69b55301ef84.png" width="1356" height="675"></figure>Cape Verde walizuia kwa shinikizo la chini na kuwaachia mpira wapinzani wao huku wao wakizuia njia za wapinzani wao kuweza kupenya mistari yao mitatu ya uzuiaji na kuweza kuwafikia kirahisi, njia hizo ni;&nbsp;&nbsp;- Njia ya kati (Central penetration &amp; creation of chances) ambapo kwenye Mstari wao wa kwanza wa uzuiaji mshambuliaji mmoja, Livramento (Tavares/Da Costa) alisimama kuzuia njia za mabeki wa timu pinzani kupenyeza pasi kwa viungo wao, huku nyuma yake kukiwa na viungo watano, wale viungo washambuliaji wawili wa kati Monteiro na Duarte (J. Duarte/ D. Duarte au Arcanjo) &nbsp;waliokuwa usawa wa kiungo wa kati Lenin kuzuia njia ya viungo wa timu pinzani kucheza na washambuliaji wao.&nbsp;- Njia ya pembeni, Mendes na J. Carbal walikuwa sambamba na viungo watatu wa kati kwenye mstari wa watu watano nyuma ya mshambuliaji mmoja, lengo likiwa ni kuzuia wachezaji wa pembeni kutoweza kuwazidi idadi mabeki wao wa pembeni, L. Carbal na Moreira kwenye channel za pembeni hasa pale mabeki wa pembeni wa timu pinzani wanaposogea kuongeza idadi kwenye theluthi ya mwisho.&nbsp;- Njia ya juu, baada ya kuzuia vizuri njia ya kati na ya pembeni, wapinzani wao walilazimika kupita njia za juu, huko nako mabeki wao wa kati Pico na Diney walijitahidi kujaribu kushinda mipira ya juu na ya pili japo mara kadhaa walizidiwa ubora na kuadhibiwa&nbsp;• 6-3-1 Theluthi ya chini (Low Block)&nbsp;<figure class="image image-style-side"><img></figure><figure class="image image-style-side"><img style="aspect-ratio:1919/1071;" src="https://pictures.tribuna.com/image/81923a17-995f-463e-bba2-e5a8788d1c39?width=1920&amp;quality=70" width="1919" height="1071"></figure>&nbsp;Kwasababu wapinzani wao walipenda kucheza zaidi kwa njia za pembeni, Cape Verde pia walizuia kwa ubora mkubwa channel za pembeni kwa kuunyumbulisha muundo wao wa 4-5-1 na kuwa 6-3-1 ambapo mabeki wao wa pembeni wakizuia ndani zaidi karibu na mabeki wa kati, viungo washambuliaji wa pembeni Mendes na J. Carbal walisogea usawa wao na kutengeneza idadi ya watu 6 kwenye mstari wa mwisho. Licha ya kuwa ni timu iliyokuwa ikizuia vizuri pia kuna nyakati walizidiwa ubora na hapo ndipo utakapotaja uwezo wa wachezaji binafsi kuamua matokeo hasa kipa wao Vozinha ambaye aliibuka shujaa kwenye michezo yao karibu yote akiwa na jumla ya saves (mipira ya kuokoa) 18 huku akifanya saves 7 dhidi ya Hispania na zingine 8 dhidi ya Argentina.&nbsp;<h3>Timu ikipora umiliki wa mpira (Offensive Transition)</h3>&nbsp;Hii ilikuwa njia bora ya Cape Verde kufanya mashambulizi ya kujibu dhidi ya wapinzani wao ambapo walijaribu kufanya mashambulizi ya kujibu kwa haraka pindi wanapopora mpira kabla ya wapinzani wao kurejea kwenye muundo mzuri wa kuzuia (Counter attacks).&nbsp;Kati ya magoli manne waliyofunga Cape Verde, goli 2 zimetokana na moment hii, mfano wa goli walilofunga kwa wakati kama huo ni goli la pili la kusawazisha dhidi ya Uruguay ambapo walizuia kwa shinikizo kubwa mpira ukiwa kwenye theluthi ya kati ya uwanja na kujibu shambulizi kwa kushambulia nafasi kubwa iliyokuwa baina ya mtu na mtu, mstari na mstari hali iliyosababisha kipa wa Uruguay kutoka golini ili kuwazibia walinzi wake makosa lakini akashindwa pia kuziba kosa hilo hadi alipoadhibiwa na mshambuliaji wa Cape Verde Helio Varela aliyeangia kipindi cha pili. &nbsp;<figure class="image image-style-side"><img style="aspect-ratio:1919/1079;" src="https://pictures.tribuna.com/image/d892b32f-76a0-4933-9690-543c08f95116?width=1920&amp;quality=70" width="1919" height="1079"></figure>&nbsp;Lakini pia ukiachilia mbali goli hilo, Cape Verde wamekuwa na nyakati nyingi bora za kujibu mashambulizi kila wanapopora mpira ambapo kwenye mechi zote nne walizocheza wamefanya jumla ya mashinikizo (Pressing Applied) 1252 wachezaji wa timu pinzani kukosea wakiwa na mpira huku kati ya hayo wakifanya jumla mashambulizi ya kujibu 191 (forced turn overs) huku mawili yakizaa magoli&nbsp;Silaha yao kubwa ni Kasi wa wachezaji (mfano kama Laros Duarte aliyekuwa na mwendokasi wa 6.95 km/h na Ryan Mendes aliyekimbia kwa kasi Mara 170, lakini pia wachezaji kuweza kukimbia umbali mrefu mfano Diney Borges aliyekimbia jumla ya 43.34 km.&nbsp;<h3>Timu ikiwa na umiliki wa mpira (In Possession)</h3>&nbsp;Kwa aina ya wapinzani iliokutana nao, Cape Verde haikuwa timu yenye uwezo wa kumiliki mpira kwa muda mrefu ambapo kwenye jumla ya mechi zote imekuwa na wastani wa umiliki wa mpira wa 37% tu huku kwenye mchezo mgumu kuliko yote waliyocheza, dhidi ya Hispania wakirekodi umiliki wa mpira wa 26% tu.&nbsp;Licha ya kuwa timu isiyokuwa na umilki wa mpira muda mrefu, mara chache ilizokuwa nao walikuwa timu inayocheza kwa mkakati wa kucheza pasi fupi kutokea nyuma lengo likiwa ni kukaribisha presha ya wapinzani wao ili wapate nafasi ya kuweza kupita katikati ya mistari ya uzuiaji ya wapinzani au nyuma, wakiwa na muundo wa 3-3-4-1, ambapo;&nbsp;<img src="https://images-pmtv.nyc3.digitaloceanspaces.com/images/v1/d3d8c29c-8842-4ae1-b444-a6980d8f6fb8.png">&nbsp;- Mstari wao wa kwanza wa ujenzi wa shambulizi uliundwa na Kipa wao Vozinha na mabeki wawili wa kati, Diney na Pico ambao mpira ulianzia kwao ili kuvuta presha ya wapinzani (Build up from back)- Mstari wao wa pili uendelezaji wa shambulizi ulikuwa na kiungo mmoja wa kati, Lenin aliyekuwa akipokea mipira nyuma ya mstari wa kwanza wa uzuiaji wa timu pinzani kwaajili ya kuendeleza shambulizi kwa njia ya kati (Central Build up progression) na mabeki wawili wa pembeni, Moreira na Lopes Cabral kwaajili ya kuendeleza shambulizi kwa njia ya pembeni (Wide Build up progression)&nbsp;Silaha yao kubwa ikiwa ni kipa wao Vozinha alikuwa na uwezo mzuri wa kiufundi kujenga mashambulizi kuanzia nyuma ambapo ambapo amepiga jumla ya pasi 106 zinazovunja mistari huku beki wake Pico akipiga pasi nyingi zilizokamilika zinazovunja mistari, 68 bila kumsahah mwenzake Diney aliyeongoza kwa jumla ya pasi nyingi uwanjani.&nbsp;Wakiwa kwenye nusu ya wapinzani anayezuia kwa Low &amp; Mid Block, muundo wao wa uchezaji ulibadilika na kuwa 2-4-4 ambapo; &nbsp;<img src="https://images-pmtv.nyc3.digitaloceanspaces.com/images/v1/8a25b52b-a784-41ee-b43f-1bfcd8118e76.png">&nbsp;- Watu wawili wa nyuma ni Mabeki wa kati, Diney na Lopes huwa kwenye mstari wa nyuma - Watu wanne wa kati ni; Lenin na Laros Duarte kama viungo wa kati na pembeni mabeki wawili wa pembeni Moreira na Lopes Cabral wakiwa pembeni yao - Watu wanne wa mbele wakiwa mshambuliaji wa kati, Livramento na kiungo mshambuliaji wa kati Monteiro na pembeni Mendes na J. Cabral.&nbsp;Wakiwa kwenye theluthi hii wanatumia zaidi ushirikiano wa wachezaji wa pembeni kwa pasi fupi ili kuweza kupenya kuta za uzuiaji za wapinzani na kufika kwenye eneo la mwisho (Sideways combination) ambapo wanatengeneza pembetatu muhimu pembeni mwa uwanja kati ya mabeki wa pembeni kwenye mapana ya uwanja (flanks) &nbsp;viungo washambuliaji wa pembeni kwenye Channel za ndani (Half space) huku zikiunganishwa na viungo Lenin na Laros Duarte.&nbsp;Kuna wakati wakiwa kwenye theluthi ya mwisho huwa kwenye muundo wa 2-2-6 ambapo mabeki wa pembeni husogea kwenye mstari wa mwisho usawa wa wale wanne wa mbele lengo likiwa ni mabeki wa pembeni kuongeza idadi wakicheza zaidi kwenye mapana ya uwanja ili kufungua nafasi kwenye mstari wa mwisho wa walinzi w timu pinzani na kurahisisha utengenezaji wa nafasi. &nbsp;<img src="https://images-pmtv.nyc3.digitaloceanspaces.com/images/v1/a958e3b3-16a2-4897-8c82-5d88e12ef690.png">&nbsp;Silaha yao kubwa ni namna viungo wao washambuliaji wanvyopokea mipira katikati ya mistari, mfano Ryan Mendes akipokea jumla ya mipira 151 katikati ya mistari/nyuma ya mistari ya uzuiaji ya wapinzani huku 35 katikati ya mistari ya walinzi na mabeki na Kutoa pasi 1 ya goli huku akipiga mashuri 6 yaliyolenga lango, pia ubora wa utengenezaji wa nafasi hasa kwa Krosi mfano Lopes Cabral aliyepiga krosi 11. &nbsp;<img src="https://images-pmtv.nyc3.digitaloceanspaces.com/images/v1/088f8616-7550-4f5e-9eb0-b2d1a5ec5e67.png">&nbsp;Mfano mzuri wa moment hii ni goli la pili walilofunga dhidi ya Argentina linaloonyesha mtiririko wa mbinu kuanzia namna wanavyojenga shammbulizi na kuliendeleza kwenye theluthi zao mbili za mwanzo za uwanja na kisha namna wanavyopenya kuta za wapinzani wao na kutengeneza nafasi kwenye theluthi mbili mwisho, goli lililofungwa na Lopes Cabral.&nbsp;<h3>Timu ikiporwa umiliki wa mpira (Defensive Transitions)</h3>&nbsp;Cape Verde ikiporwa umiliki wa mpira hufanya mambo matatu kwa haraka ili kuzuia wapinzani wao kufanya shambulizi la kujibu kabla hawajarejea kwenye umbo lao zuri la kuzuia;&nbsp;- Wachezaji huanza kuzuia presha na umakini mkubwa pale wanapopotezea mpira (Counter Pressing) huku mchezaji anayeongoza mara nyingi kuweka presha pale wanapopotezea mpira akiwa Deroy Duarte akifanya hivyo mara 137.&nbsp;- Mara zote mpira ukiwa kwenye nusu ya wapinzani huwa umbo zuri kwenye mistari yao miwili ya mwisho linaloweza kumeza shambulizi la kujibu la wapinzani huku likiwa na mchezaji mmoja wa ziada kutengeneza faida ya idadi (Rest Defense) .&nbsp;<img src="https://images-pmtv.nyc3.digitaloceanspaces.com/images/v1/ed9292ac-593c-4c4b-9a99-cc9f8a13f821.png">&nbsp;- Pia wachezaji hurudi kwa kasi kwenye maeneo yao kwaajili ya kudumisha umbo au mfumo mama wa kuzuia (4-1-4-1)&nbsp;Mfano kwenye mchezo dhidi ya Argentina, goli lao la pili lilitokana na wachezaji kuanza kuzuia pale wanapopotezea Mpira kisha kuwalazimisha Argentina kupiga mpira kwa mshambuliaji wao mmoja wa mbele aliyekuwa dhidi ya mabeki wawili wa Cape Verde (2v1) wakameza shambulizi la kujibu kwa kupora mpira kisha wakaurudisha mbele na kupata goli.&nbsp;Mipira ya kutenga (Set Plays) Kwenye moment hii Cape Verde hawakuwa na makali sana kwani licha ya kupata Kona 17 na Freekick 57 ni goli 1 tu ndilo limetokana na moment hii ambalo ni la Freekick huku wakiruhusu kufungwa goli moja la kona dhidi ya Argentina.&nbsp;Hitimisho Mbinu za Kocha Pedro Leitão Brito ‘Bubista’ zimethibitisha kuwa licha ya kuwa na kikosi cha wachezaji wa Ubora wa daraja la kati lakini wanaweza kusukwa kimbinu na kutengeneza timu inayoweza kushindana kiwango cha dunia kama Cape Verde ilivyoonyesha kwenye kombe la dunia. Pia anathibitisha kuwa hakubahatisha kuwa kocha bora wa tuzo za Shirikisho la soka barani Afrika (CAF) mwaka 2024 ambapo aliiwezesha Cape Verde kufika robo fainali ya Kombe la Mataifa ya Afrika (AFCON)&nbsp;&nbsp;

Bubista alivyoifanya Cape Verde kuacha alama Kombe la dunia 2026

<img src="https://images-pmtv.nyc3.digitaloceanspaces.com/images/v1/3dc78ae6-3eb2-47da-93ac-c72600fbda94.png" width="1402" height="1122">Utangulizi Takwimu za Ligi kuu ya NBC zinaonyesha kuwa timu za Simba SC, Yanga SC na Azam FC ndiyo timu 3 za juu zinazoongoza kwa wastani mkubwa wa umiliki mkubwa wa mpira.&nbsp;1. Simba SC – umiliki wa mpira 57.5%2. Young Africans SC – umiliki wa mpira 55.8%3. Azam FC –umiliki wa mpira 55.2%&nbsp;&nbsp;Wastani mkubwa wa umiliki wa mpira umesaidia timu hizo kuwa na muda na nafasi zaidi ya kutengeneza nafasi za kufunga na takwimu zinathibitisha kuwa timu hizo 3 zinaongoza kwa idadi kubwa ya magoli kama ifuatavyo;&nbsp;1. Young Africans SC - magoli 712. Simba SC - magoli 543. Azam FC - magoli 46&nbsp;Licha ya kuwa umiliki mkubwa wa mpira kuwa na faida ya kutengeneza nafasi nyingi za magoli kwa timu hizo lakini pia umiliki mkubwa wa mpira umezifanya timu hizo kuongoza kufanyiwa mashambulizi ya kujibu (counter attacks).&nbsp;Kwanini timu hizo hufanyiwa Counter Attacks mara nyingi?Kwasababu ya ubora wa wachezaji wa timu hizo 3, kumiliki mpira, kutengeneza nafasi nyingi na kufunga magoli mengi, timu zingine zinapokutana nazo mara nyingi zimekuwa zikienda na mbinu zifuatazo;1. Nyakati za kuzuia, wapinzani wa timu hizo wamekuwa wakiaandaa mbinu za ‘kumeza’ ubora wa timu hizo kumiliki mpira kwenye sehemu kubwa ya uwanja kuzuia nyakati nyingi kwa shinikizo la chini hasa kwenye theluthi mbili za uwanja kutokea kwenye magoli yao (Mid or Low Block) ili kutoruhusu kutoa nafasi katikati au nyuma ya mistari yao ya uzuiaji itakayowafanya kutoa mwanya wa timu hizo 3 kutengeneza nafasi za kufunga magoli.&nbsp;2. Nyakati za kushambulia, wapinzani wa timu hizo 3 wamekuwa wakitegemea mashambulizi ya kujibu au kushtukiza dhidi ya timu hizo 3 pale zinapopata umiliki wa mpira au kupora umiliki wa mpira kwa haraka kwenye nafasi zinazoachwa wazi na timu hizo kimuundo wakiwa na mpira kabla timu hizo 3 hazijarejea kwenye muundo wao bora wa kuzuia (Counter Attacks) kwani ni ngumu kuzifunga zikiwa kwenye muundo mzuri wa kuzuia.&nbsp;Timu 3 za juu zimeiabiliana vipi na Counter Attacks?Kwasababu timu hizo 3 'kubwa' zimekuwa wahanga wa kufanyiwa mashambulizi ya kujibu wakicheza dhidi ya timu 'ndogo', timu hizo mara nyingi zimekuwa zikitumia mbinu zifuatazo kuzuia Counter Attacks;- Kuanza kuzuia kwa shinikizo kubwa eneo walipopotezea umiliki wa mpira (Counter Pressing)- Wachezaji kurudi kwenye maeneo sahihi kimuundo kwa haraka (Recovery Runs)- Kuwa na umbo rafiki kwenye mistari miwili ya nyuma kuzuia mashambulizi ya kujibu (Rest Defence/Offensive Balance)Kwasababu sehemu muhimu kati ya hizo 3 ni umbo linaloachwa na timu kwenye mistari miwili nyuma pindi timu inapokuwa kwenye nusu ya wapinzani&nbsp; 'Rest Defence' leo tutaona faida za watu muhimu wanaounda umbo hilo la kumeza Counter Attacks&nbsp;Timu hizo zote licha kutumia mifumo mama kama 4-2-3-1, 4-4-2 na 4-3-3 kama mifumo yao mama (Basic Formation) lakini zikiwa na umiliki wa mpira hasa kwenye theluthi mbili za mwishi zimekuwa zikitumia muundo wenye umbo la 2-1 kwenye mistari miwili ya nyuma inayohusisha mabeki wawili wa kati na kiungo mmoja mbele yao (Rest defense)&nbsp;- Kwenye mechi 23 za ligi kuu ya NBC, Rest defense ya Azam FC imeundwa na Himid Mao mbele ya mabeki tofauti wa kati kama Yeison Fuentes, Yoro Diabi, Twalib Nuru na Lameck Lawi- Kwenye mechi 27 za Ligi kuu ya NBC, Rest defense ya Simba SC imeundwa na Yussuph Kagoma na mabeki tofauti Kama Rushine De Reuck, Ismail Toure, Hussein Mbegu na Vedastus Masinde- Kwenye mechi 29 za Ligi kuu ya NBC, Rest defense ya Young Africans imeundwa na Duke Abuya na mabeki tofauti wa kati kama Dickson Job, Ibrahim Hamad na Bakari Mwamnyeto na Frank Assink&nbsp;Viungo hao wa kati wamekuwa mhimili mkubwa kuweza kuzuia mashambulizi ya kujibu kabla ya kufika kwa mabeki na makipa wao wakisimama mara nyingi mbele ya mabeki wao na kuwa kama bima kuwapa uhuru wachezaji wa mbele kuwa wabunifu wakijua kuwa kuna watu wanawalinda pindi wao wakipoteza mpira.Kuthibitisha ubora huo licha ya kuwa timu hizo kushambuliwa kwa Counter attacks mara kwa mara zimekuwa timu zinazoongoza kwa kufungwa idadi ndogo ya magoli kama ifuatavyo;&nbsp;1. Young Africans - magoli 92. Simba SC - magoli 113. Azam FC - magoli 12&nbsp;Licha ya kutotajwa sana kwasababu hawaonekani nyakati za kufunga magoli lakini wamekuwa muhimu kwa timu zao kutofungwa magoli.

Umuhimu Himid Mao, Kagoma na Abuya kwenye Rest Defence za timu zao.

<img src="https://images-pmtv.nyc3.digitaloceanspaces.com/images/v1/95382724-4a7d-4812-bc66-53d26485070d.jpg"><h3>&nbsp;</h3><h3>Utangulizi</h3>&nbsp;Katika mechi mbili za mwanzo za Kombe la Dunia 2026, dhidi ya timu za taifa za Morocco na Haiti, timu ya Taifa ya Brazil imeonyesha sura mbili tofauti kabisa katika eneo la kiungo kimuundo na kimajukumu ambapo kwenye mchezo dhidi ya Haiti, kocha mkuu wa timu hiyo Carlo Ancelotti alionekana kuyafanyia kazi mapungufu yaliwafanya kupata sare kwenye mchezo wa kwanza wa kundi L dhidi ya Morocco.&nbsp;<h4>Utofauti wa Muundo wa Midfield&nbsp;</h4>&nbsp;<h4>Dhidi ya Morocco</h4>&nbsp;Dhidi ya Morocco, Brazil ilicheza zaidi katika muundo wa 4-3-3 ambao mara nyingi uligeuka kuwa 4-1-4-1 wakati wa kujilinda. Casemiro alikuwa kiungo wa chini (single pivot) mbele ya mabeki. Bruno Guimarães na Lucas Paquetá walicheza kama namba 8 wawili wenye majukumu ya kusaidia mashambulizi lakini pia kurudi chini kulinda maeneo ya pembeni ya Casemiro.&nbsp;&nbsp;<img src="https://images-pmtv.nyc3.digitaloceanspaces.com/images/v1/26349414-97a4-4a8f-b038-affcdb62f8bd.png" width="959" height="534">&nbsp;Lengo kuu la mfumo huu lilikuwa kuzuia transitions za haraka za Morocco kupitia maeneo ya kati. Morocco ilitumia sana kasi ya wachezaji wake wa pembeni, hivyo Brazil ilihitaji kuwa compact katikati ya uwanja. Katika mfumo huu, viungo watatu walikuwa karibu sana ili kupunguza nafasi kati ya mistari ya timu.&nbsp;<h4>Dhidi ya Haiti</h4>&nbsp;Dhidi ya Haiti, Brazil ilicheza kwa muundo uliokuwa wa kushambulia zaidi. Mara nyingi mfumo ulionekana kama 4-1-3-2 au 4-4-2 Diamond wakati wa kumiliki mpira. Casemiro alibaki chini kama namba 6 huku Bruno Guimarães na Paquetá wakisogea juu zaidi. Matheus Cunha alikuwa akishuka kutoka mstari wa ushambuliaji kuingia katikati ya uwanja na kuunda superiority ya idadi dhidi ya viungo wa Haiti.&nbsp;<img src="https://images-pmtv.nyc3.digitaloceanspaces.com/images/v1/4f619f28-2d21-404d-9698-e43aa93d31b4.png" width="959" height="540">&nbsp;Hii ilisababisha Brazil kuwa na wachezaji wanne katikati ya uwanja, yaani Casemiro, Bruno Guimarães, Paquetá, Cunha tofauti na dhidi ya Morocco. Kutokana na hali hiyo.&nbsp;&nbsp;<h4>Mapungufu ya Kimbinu dhidi ya Morocco</h4>&nbsp;Dhidi ya Morocco Changamoto kubwa waliyopitia, Brazil ilipitia changamoto kubwa ya kimuundo kudhibiti mashambulizi ya kujibu (Negative Transitions) hasa nyakati ambazo Paqueta na Guimarez wakisogea juu kuunganisha washambuliaji wa pembeni na mabeki wao ili kuweza kupenya kuta za Morocco, kisha timu ikipoteza mpira na kujibiwa shambulizi kwa haraka kabla hawajarejea kwenye umbo lao mama la kuzuia.&nbsp;&nbsp;<img src="https://images-pmtv.nyc3.digitaloceanspaces.com/images/v1/cc571d21-d940-47f9-93b9-620895c7e7ee.jpg" width="834" height="424"> Casemiro alilazimika kuzuia eneo kubwa mbele ya mabeki wake kwani umbo la Brazil kwenye mistari miwili ya nyuma (Rest Defence) lilikuwa na wachezaji watatu tu, Marquinhos, Gabriel na Casemiro juu yao huku na kwasababu Paqueta na Guimarez walikuwa mbele zaidi kukawa na nafasi kubwa iliyomvuta Casemiro mbele zaidi ya mabeki wake wawili.&nbsp;<img src="https://images-pmtv.nyc3.digitaloceanspaces.com/images/v1/32c60401-a48f-47fb-84f7-44c9cb60d599.jpg">&nbsp;<h4>Ubora wa Kimbinu dhidi ya Haiti &nbsp;</h4>Dhidi ya Haiti Brazil mabadiliko ya kimuundo yalionekana kuwa na faida wazi ambapo iliweza kutawala mchezo, kiuzuiaji na kiushambuliaji, ikibadili muundo kutoka ile 4-3-3 dhidi ya Morocco na kuwa 4-1-3-2 (4-4-2 diamond) ambapo alipunguza idadi ya washambuliaji na kuwabakiza wawili huku Matheus Cunha akicheza kama kiungo mshambuliaji, tofauti na mwanzo ambapo Igor Thiago alicheza kama mshambuliaji wa kati.&nbsp;<img src="https://images-pmtv.nyc3.digitaloceanspaces.com/images/v1/73477263-9e47-42f7-91c2-134b56f186e2.jpg" width="763" height="450">&nbsp;Hii iliwasaidia kudhibiti mchezo kwa kuwa na mpira nyakati nyingi, kutengeneza nafasi nyingi za kufunga na hata nyakati mpira ukiwa kwa Haiti waliweza kuurejesha haraka kwenye umiliki wao kwasababu ya idadi kubwa ya viungo waliokuwa nao.<h4> Majukumu ya viungo dhidi ya Haiti</h4>&nbsp;Casemiro&nbsp;Casemiro alikuwa kiungo wa chini (single pivot). Kwenye muundo alisimama mbele ya mabeki, majukumu yake timu ikiwa na umiliki wa mpira yalikuwa kushiriki kuendeleza mashambulizi yanayojengwa kuanzia nyuma kwa mabeki wake kwa njia ya kati (Central Build up Progressions) pia kusimama mbele ya mabeki kuzuia mabeki wake kufikika kirahisi mashambulizi ya kujibu pale timu yake inapopoteza mpira m,bele (Negative Transitions).&nbsp;<img src="https://images-pmtv.nyc3.digitaloceanspaces.com/images/v1/8f561d68-a39b-4edb-9127-fed7071ffe57.jpg"> Timu yake isipokuwa na mpira nyakati zote alisimama mbele ya mabeki wake kuzuia kufikika kirahisi na kupora mipira mingi na hata aliweza kuwa-Cover pindi wanapotoka kwenye maeneo yao huku takwimu za FIFA zilionyesha alikuwa miongoni mwa wachezaji waliokimbia umbali mkubwa zaidi katika mchezo huo.&nbsp;<img src="https://images-pmtv.nyc3.digitaloceanspaces.com/images/v1/784d63ee-c3b2-422e-9cc5-5c9cda6e4a3b.jpg" width="797" height="417">&nbsp;Bruno na Paquetá&nbsp;Dhidi ya Haiti, Bruno alikuwa kiungo wa kuunganisha safu. Alishuka karibu na Casemiro wakati wa build-up lakini pia alipanda mbele kusaidia presha na kutengeneza nafasi. Ushawishi wake katika kurejesha mipira na kuanzisha mashambulizi ulionekana wazi kwenye mabao ya Brazil.&nbsp;&nbsp;<img src="https://images-pmtv.nyc3.digitaloceanspaces.com/images/v1/aa9709be-eb26-464d-85df-0a31e6e7d152.jpg" width="796" height="401">&nbsp;&nbsp;Dhidi ya Haiti, Paquetá alicheza upande wa kushoto wa kiungo cha watu watatu na mara nyingi alikuwa akijiunga na Vinicius Jr na Cunha kutengeneza triangles za mashambulizi. Alikuwa na uhuru mkubwa wa kuingia kwenye half-space ya kushoto na kusaidia katika final third, ushirikiano wake na Cunha uliipa Brazil uwiano bora zaidi kuliko mechi ya kwanza.&nbsp;<img src="https://images-pmtv.nyc3.digitaloceanspaces.com/images/v1/2a5a6140-cc5f-47ae-bf93-07e8b12e2b2f.jpg">&nbsp;Pasi ya kwenye picha ya juu aliyopiga kwenda kwa Vini Jr nyuma ya ukuta wa Haiti ilienda kuzaa goli la Matheus Cunha ambaye alifunga kwa kushinda Second Ball. &nbsp;<img src="https://images-pmtv.nyc3.digitaloceanspaces.com/images/v1/24aa9cb6-3167-40e2-8f1f-155451d5a8aa.jpg">&nbsp;Matheus Cunha Dhidi ya Haiti, Cunha alikuwa tofauti kabisa na mshambuliaji wa kawaida. Alishuka katikati kusaidia viungo, aliongoza presha ya juu na mara nyingi aliingia kwenye maeneo ya kati ili kuvuta mabeki nje ya nafasi. Mfumo huu ulimsaidia kufunga mabao mawili na kuipa Brazil fluidity kubwa zaidi katika mashambulizi.&nbsp;<img src="https://images-pmtv.nyc3.digitaloceanspaces.com/images/v1/bfc00b66-5663-4ff4-a58b-aa978d08b8a8.jpg">&nbsp;<h4>Hitimisho</h4>&nbsp;Dhidi ya Morocco, Brazil ilicheza midfield yenye mwelekeo wa kudhibiti hatari za mpinzani na kulinda transitions. Casemiro, Bruno Guimarães na Paquetá walikuwa na majukumu ya uwiano kati ya ulinzi na ushambuliaji.&nbsp;Dhidi ya Haiti, Brazil ilicheza midfield ya kushambulia zaidi ambapo Matheus Cunha aliongezwa kama kiungo wa nne wakati wa kumiliki mpira. Mfumo huo uliifanya Brazil kutawala katikati ya uwanja, kutengeneza overloads nyingi na kucheza kwa uhuru mkubwa zaidi wa kushambulia.

Don Carlo alivyobadili Midfield ya Brazil kimajukumu ndani ya mechi 2

<img src="https://images-pmtv.nyc3.digitaloceanspaces.com/images/v1/8ccfe5f6-2c13-49ad-ad07-68066d35eb00.jpg">&nbsp;Utangulizi Klabu ya PSG ya Ufaransa imetwaa Ubingwa wa Ligi ya Mabingwa Ulaya (UEFA Champions League) baada ya kuifunga klabu ya Arsenal ya Uingereza kwa mikwaju ya penalti 4-3 kwenye mchezo wa fainali iliyomalizika hivi punde kwenye uwanja wa Puskas Arena jijini Budapest nchini Hungary. Kwenye mchezo huo kulikuwa na burudani nyingi lakini kubwa zaidi ni ile vita ya mbinu kati ya makocha wa timu hizo Luis Enrique was PSG na Mikel Artata wa Arsenal, wote raia wa Hispania. Vikosi vya timu zote mbili; Luis Enrique na Mikel Arteta waliingia na vikosi hivi hapa chini; &nbsp;<img src="https://images-pmtv.nyc3.digitaloceanspaces.com/images/v1/c6e53c20-7854-44cc-b0df-cbc0f8becf32.png"> Mbinu za makocha zilikuwaje? Hivyo zilikutana timu bora kwenye nyakati mbili uwanjani na hilo lilidhihirika kwenye aina ya mbinu zilizotumiwa na makocha wa timu zote mbili. Arsenal kwasababu ilikuwa timu bora kiuzuiaji, ilichagua kuzuiaji nyakati nyingi wakiwa na mfumo wa 4-4-2 huku PSG wakiwa wanamiliki mpira na mfumo wa 4-3-3, ambapo mifumo hii ilinyumbulika kwenye miundo tofauti kulingana na theluthi ya uwanja ambapo PSG wanamiliki mpira, Kama; (i) Mpira ukiwa kwenye nusu ya PSG, Arsenal walizuia na muundo wa 4-2-4 ambapo;<figure class="image image-style-side"><img style="aspect-ratio:833/445;" src="https://images-pmtv.nyc3.digitaloceanspaces.com/images/v1/20ff4260-df37-4306-9048-00e8b529777d.jpeg" width="833" height="445"></figure> - Havertz, Odegaard, Saka na Trossard walikuwa kwenye mstari wa mbele wa uzuiaji - Rice na Lewis-Skelly walikuwa kwenye mstari wa kati wa uzuiaji - Gabriel, Saliba, Hincapie na Mosquera walikuwa kwenye mstari wa nyuma wa uzuiaji Huku PSG, Mpira ukiwa kwenye nusu yao, walijenga shambulizi na muundo wa 4-3-3, ambapo; - Hakimi, Mendez, Marquinhos na Pacho wakiwa mbele ya Safonov - Vitinha, Ruiz na Joao Neves wakiwa kwenye mbele ya mabeki na umbo la Single Pivot - Kvaratshelia na Doue wakiwa pembeni ya Dembele kwenye mstari wa mbele (ii) Mpira ukiwa kwenye theluthi ya kati na ya mwisho ya uwanja, Arsenal walizuia na muundo wa 4-4-2 ambapo; - Havertz, Odegaard walibaki kwenye mstari wa mbele wa uzuiaji - Saka na Trossard wakisogea usawa wa Rice na Lewis-Skelly kwenye mstari wa kati wa uzuiaji - Gabriel, Saliba, Hincapie na Mosquera walikuwa kwenye mstari wa nyuma wa uzuiaji<figure class="image image-style-side"><img style="aspect-ratio:834/453;" src="https://images-pmtv.nyc3.digitaloceanspaces.com/images/v1/7ed28a96-6768-4661-ab63-7eb9d7a3ca9d.jpeg" width="834" height="453"></figure> Huku PSG, Mpira ukiwa kwenye theluthi ya kati na mbele, PSG walishambulia na muundo wa 3-2-5na 2-3-5, ambapo; - Ikiwa 3-2-5, Mendez hubaki usawa wa Pacho na Marquinhos nyuma, Hakimi husogea usawa wa washambuliaji, huku Vitinha na Ruiz wakibaki mbele ya mabeki. - Ikiwa 2-3-5, Mendez husogea usawa wa Vitinha na Ruiz wakati Hakimi akiwa usawa wa washanbuliaji. (iii) Kuna nyakati pia mpira ukiwa kwenye theluthi yao ya mwisho, Arsenal walizuia na muundo wa 6-2-2, ambapo;<figure class="image image-style-side"><img style="aspect-ratio:840/461;" src="https://images-pmtv.nyc3.digitaloceanspaces.com/images/v1/50679515-9ec9-4e5d-8c4f-4ead354d367f.jpeg" width="840" height="461"></figure> - Havertz, Odegaard walibaki kwenye mstari wa mbele wa uzuiaji - Rice na Lewis-Skelly walibaki kwenye mstari wa kati wa uzuiaji - Saka na Trossard wakisogea nyuma zaidi usawa wa Gabriel, Saliba, Hincapie na Mosquera walikuwa kwenye mstari wa nyuma wa uzuiaji Maswali magumu ya kimbinu waliyoulizana Enrique na Arteta. 1. Mbinu za timu ipi zitatawala mchezo? Ilikuwa ni mechi iliyokutanisha timu bora kwenye maeneo mawili uwanjani, timu bora zaidi kiushambuliaji msimu huu PSG dhidi ya timu bora zaidi kiuzuiaji msimu huu Arsenal. Kwenye msimu huu wa UEFA Champions league, PSG ndiyo timu bora zaidi kiushambuliaji ikiwa imefunga goli 45 huku Arsenal ikifunga goli 30 tu. Kwenye msimu huu wa UEFA Champions league, Arsenal ndiyo timu bora zaidi kiuzuiaji ikiwa imefungwa goli 7 tu, huku PSG ikifungwa goli 23. Baada ya dakika 120 za mchezo, hizi zilikuwa takwimu za mchezo;&nbsp;<img src="https://images-pmtv.nyc3.digitaloceanspaces.com/images/v1/3b5794d8-dd20-4b09-b6b2-5bbe41d5e5c8.png"> Takwimu zinaeleza wazi kuwa; Licha ya PSG kutawala umiliki wa mchezo wa 75%, lakini haikuweza kutengeneza hatari nyingi kwenye lango la Arsenal ikiwa na mashuti manne tu yaliyolenga lango wakifunga goli 1 sawa na Arsenal waliomiliki mpira kwa 25% huku wakipiga shuti 1 tu lililolenga lango nalo ni goli Hivyo kimbinu, Arsenal kutokana na mbinu zao za uzuiaji walikuwa na udhibiti wa mchezo zaidi kuliko PSG waliotawala umiliki wa mpira na kushindwa kutengeneza nafasi za kufunga. 2. Arsenal itakabiliana vipi na Presha ya PSG?<figure class="image image-style-side"><img style="aspect-ratio:1600/692;" src="https://images-pmtv.nyc3.digitaloceanspaces.com/images/v1/6b220650-8b9e-4781-ae62-45f6ffc8caec.jpeg" width="1600" height="692"></figure> Kwenye msimu uliopita PSG ilirekodiwa kuwa ni timu inayoruhusu mpinzani kucheza idadi ndogo zaidi ya pasi Kabla haijapora mpira (PPDA - Passes Per Defensive Actions) ikiwa na wastani wa PPDA 8.5, sawa na kuruhusu wapinzani wao kucheza chini ya pasi 8 tu kabla hawajapora mpira. Kukabiliana na hali hiyo, Arsenal walikuja na mkakati wa kutoanzisha mashambulizi kutoka nyuma kwa pasi fupi wakiwa na lengo la kuzuia PSG kutopora mipira yao mingi. Mfano mzuri ni pasi nyingi kutoka kwa kipa wao David Raya zilikuwa pasi ndefu kuelekea kwenye nusu ya PSG lengo ni kutopoteza mpira Karibu na lango lao kuepuka makosa kutokana na shinikizo la PSG (PSG's High Pressing) &nbsp;<img src="https://images-pmtv.nyc3.digitaloceanspaces.com/images/v1/05cf0377-4aef-418d-b4d2-08583e06632b.jpeg" width="345" height="364"> 3. Arsenal inakabiliana vipi na mitego wa kushambulia wa PSG? Kwasababu PSG ni timu bora kiushambuliaji ikiwa imefunga goli 45, Arsenal ilihitaji mkakati bora kukabiliana nao PSG wasiweze kuwadhuru ambapo Ubora wa PSG ni wachezaji wao kucheza na nafasi katikati na nyuma ya mistari ya uzuiaji ya wapinzani wao Kwa kutambua hilo, Arsenal hawakuingia kwenye mtego wa kwanza wa PSG ambao ni kujenga mashambulizi kuanzia nyuma golini kwao wakiwa na lengo la kuwashawishi Arsenal kwenda kushinikiza wakosee, ili wakivutika na kuwafuata PSG Waweze kupata njia za kupita kama;<figure class="image image-style-side"><img style="aspect-ratio:832/455;" src="https://images-pmtv.nyc3.digitaloceanspaces.com/images/v1/c7847bbe-15b0-4227-abbe-ddf57394db22.jpeg" width="832" height="455"></figure> - Katikati kwa Vitinha, Ruiz na Neves - Pembeni kwa Mendez na Hakimi - Nyuma ya kuta za Arsenal kwa Dembele, Khvicha na Doue Arsenal wakawa wanazuia kwakufunga njia bila kuweka presha kubwa kwenye mpira huku wakiwa pamoja nyakati nyingi ili kuepuka kuacha nafasi kubwa katikati na nyuma ya mistari yao ya uzuiaji. 3. PSG ilikabiliana vipi na mashambulizi ya kujibu ya Arsenal? Kwasababu Arsenal ilichagua kucheza nyuma ya mpira nyakati nyingi (Mid &amp; Low Block), ni wazi kuwa ilitegemea mashambulizi ya kujibu (Positives Transitions) kama njia ya kuweza kuifikia na kuidhuru PSG. PSG walijiandaa na hali hiyo ambapo kila wakiwa na mpira wakihakikisha wanaacha umbo zuri lenye idadi sahihi ya wachezaji kwenye mistari miwili ya nyuma ili kumeza mashambulizi ya kujibu ya Arsenal (Rest Defence/ Offensive Balance).<figure class="image image-style-side"><img style="aspect-ratio:828/448;" src="https://images-pmtv.nyc3.digitaloceanspaces.com/images/v1/32707e37-1270-4b6d-9429-2f89c2655952.jpeg" width="828" height="448"></figure>&nbsp; Mfano, nyakati nyingi walikuwa na watu wanne kwenye umbo la 3+2 au 2+3, ambapo; - Wakishanbulia na umbo la 3-2-5, Vitinha na Ruiz huwa nyuma ya Mendez, Pacho na Marquinhos. - Wakishambulia na umbo la 2-3-5, Mendez, Vitinha na Ruiz&nbsp; huwa mbele ya Pacho na Marquinhos. Umbo hili lilisaidia kumeza mashambulizi ya kujibu ya Arsenal ambayo nyakati nyingi yalikuwa na watu wawili&nbsp; au wakizidi watatu, Saka, Trossard na Kai, hivyo PSG kuwa na faida kubwa ya Idadi ya watu kuliko Arsenal. 4. PSG Ilikabiliana vipi na Kona za Arsenal? &nbsp;<img src="https://images-pmtv.nyc3.digitaloceanspaces.com/images/v1/9441f27e-1870-4488-bbbf-7b4f6bb1eb51.jpeg" width="481" height="318"><figure class="image image-style-side"><img style="aspect-ratio:836/451;" src="https://images-pmtv.nyc3.digitaloceanspaces.com/images/v1/4ff97a81-bd7b-48ce-ade1-cbbe92ba1611.jpeg" width="836" height="451"></figure> Moja kati ya silaha kubwa ya Arsenal kwa misimu ya karibu ni mipira ya kutenga (Set Pieces) ambapo kati magoli 71 iliyofunga msimu huu kwenye Ligi kuu Uingereza, magoli 29 yametokana na mipira ya aina hiyo kama Kona, Free kick, mirusho na penalti huku magoli ya kona pekee yakiwa 18.&nbsp;Kwa kuzingatia hilo, PSG waliandaa mkakati wa kuzuia kona za Arsenal kwa kuzuia&nbsp; kwa idadi kubwa ya wachezaji eneo ambalo wanakadiria mara nyingi mpigaji (Saka Mara nyingi) huupeleka mpira kwenye boxi lao (Zonal Marking).<figure class="image image-style-side"><img style="aspect-ratio:829/457;" src="https://images-pmtv.nyc3.digitaloceanspaces.com/images/v1/eb3d5549-8d7d-498d-af29-4960e1609016.jpeg" width="829" height="457"></figure> Baada ya hapo huwa rahisi kwa wachezaji wao kushinda mipira ya juu (Aerial Duels) na inayodondoka (Second Balls). 5. Makosa yalizaaje magoli? Mpira wa miguu ni mchezo wa makosa, licha ya kuwa makocha kupeana wakati mgumu kimbinu, bado makosa ya kiufundi ya wachezaji yalifanya mchezo huo utupe magoli.&nbsp;&nbsp;- &nbsp;Arsenal walikuwa wa kwanza kutuonyesha kosa la PSG ambapo waliwakaribisha PSG kwao, kama ilivyo kawaida PSG wanazuia kwa shinikizo kubwa kuanzia kwenye nusu ya mpinzani wao, wakaenda hapo ndipo Arsenal wakapata nafasi ya kupita katikati ya mistari ya uzuiaji ya PSG na kuvuka presha lakini kwasababu ya shinikizo kubwa la PSG bado waliweza kuupora mpira ambapo Hakimi aliufikia lakini wakati wa kuusafisha Kai Havertz akaweka presha tena na kuupora, kujibu shambulizi kwenye nafasi ya wazi hadi kufunga.<figure class="image image-style-side"><img style="aspect-ratio:831/464;" src="https://images-pmtv.nyc3.digitaloceanspaces.com/images/v1/58c92312-907e-47fd-ad3a-50e4da7aff64.jpeg" width="831" height="464"></figure>&nbsp;&nbsp;- PSG kipindi cha pili kwasababu walipiga kambi sana kwenye theluthi ya mwisho ya Arsenal walifaidika na makosa ya kiufundi ya uzuiaji ya mlinzi wa Arsenal Mosquera ambayo katika harakati za kuwania kupora mpira kutoka kwa Khvicha akajikuta anachelewa sekunde hali iliyomfanya kushindwa kupora mpira na kumchezea faulo winga huyo hatari raia wa Georgia kisha ikazaa mkwaju wa penalti ulipigwa na Dembele.

Maswali ya kimbinu waliyoulizana Luis Enrique na Arteta Fainali UCL 2026

<img src="https://images-pmtv.nyc3.digitaloceanspaces.com/images/v1/c86e9eb0-da62-476c-970b-940922833efa.jpg">Mamlaka Nchini Burkina Faso imetoa saa 72 kwa wanadiplomasia wawili wa Umoja wa Ulaya kuondoka nchini humo.&nbsp; Wanadiplomasia hao wametajwa kama watu wasiotakikana na kutakiwa kuondoka mara moja.&nbsp;Wanadiplomasia hao ni mjumbe wa EU, aliyetajwa kama Mkuu wa Kitengo cha Siasa, Habari na Vyombo vya Habari nchini humo.&nbsp;Mwingine ni Ofisa anayesimamia miradi na programu mbalimbali za maendeleo za Umoja wa Ulaya nchini Burkina Faso.&nbsp;Utawala wa kijeshi haujatoa maelezo yoyote kufafanua hatua hiyo, ila imekuja &nbsp;baada ya hapo mwezi Juni Bunge la EU kupitisha &nbsp;hoja iliyokosoa utawala wa kijeshi nchini Burkina Faso kuminya uhuru wa raia kujieleza, kufanya ukamataji wa kiholela na kukithiri ukiukaji wa haki za binadamu nchini humo.

Wanadiplomasia wawili wa EU watimuliwa Burkina Faso

Shirikisho la Soka la Uingereza (FA) limefikia uamuzi wa kuendelea na Thomas Tuchel kama kocha mkuu wa timu ya taifa ya hadi michuano ya EURO 2028.<figure class="image"><img style="aspect-ratio:640/427;" src="https://s.yimg.com/ny/api/res/1.2/5PBODgtU_Vxc0iCpcj8q6g--/YXBwaWQ9aGlnaGxhbmRlcjt3PTY0MDtoPTQyNztjZj13ZWJw/https://media.zenfs.com/en/hitc_articles_832/153d10d2dcb0c0bc398226194711b9af" alt="England manager Thomas Tuchel has 'no regrets' after semi-final loss leads to World Cup exit - Yahoo Sports" width="640" height="427"></figure>Uamuzi huo unaungwa mkono na pande zote mbili, huku Tuchel pia akithibitisha kuwa ataendelea na majukumu yake kwa mujibu wa mkataba wake unaomalizika mwezi Julai 2028.&nbsp;"Nitaendelea kubaki na kuiongoza Uingereza Nina mkataba hadi Julai 2028, ingawa kwa sasa ni vigumu kufikiria kuhusu muda huo kutokana na hali ilivyo."&nbsp;Licha ya changamoto na maumivu ya matokeo ya usiku wa jana dhidi ya Argentina Uingereza bado ina imani na uwezo wa kocha huyo Mjerumani kuijenga timu na kuiongoza kuelekea mafanikio katika michuano ijayo ya Ulaya mwaka 2028.

Aliyewafanya wahamie Hispania ataendelea kuinoa Uingereza.

Mke wa zamani wa rapa Eminem, Kim Scott, ameripotiwa kukamatwa baada ya kudaiwa kumng’ata na kumshambulia askari wa polisi wakati maafisa walipofika nyumbani kwake kufuatia taarifa za tukio la kujidhuru. <img src="https://scontent.fdar10-1.fna.fbcdn.net/v/t39.99422-6/746399599_1992802814773289_5213841741535336343_n.png?stp=dst-jpg_tt6&amp;cstp=mx2000x1333&amp;ctp=p180x540&amp;_nc_cat=100&amp;ccb=1-7&amp;_nc_sid=127cfc&amp;_nc_ohc=_pP4i5CfU7YQ7kNvwEmnGj6&amp;_nc_oc=AdqeIUcA-H1JOZtSzZKxekkY0K6RevjykLiXjl2lQVJww3mhndlzRi-Icf0fcFCJI6c&amp;_nc_zt=14&amp;_nc_ht=scontent.fdar10-1.fna&amp;_nc_gid=kkJOyRp74s8NrQFmHpi8TA&amp;_nc_ss=7b2a8&amp;oh=00_AQC8RY_n8xeiew_FJXve_1vALyNS2YBIn4hrLn5dIHl-bw&amp;oe=6A5E854D" alt="May be an image of one or more people, blonde hair and text that says '含花 FMF M.F.B BRANO JEA WORLO'" width="810" height="540"> Kwa mujibu wa taarifa za polisi, Kim alidaiwa kuwa na tabia ya fujo alipokuwa akipatiwa msaada, ambapo pia aliripotiwa kumpiga teke askari mwingine na kukataa kukamatwa. Polisi walilazimika kutumia kifaa cha umeme (Taser) kumdhibiti kabla ya kumpeleka hospitalini kwa matibabu. Baada ya tukio hilo, Kim anakabiliwa na tuhuma za kumshambulia askari wa polisi na kupinga kukamatwa. Hata hivyo, hali yake ya kiafya haijawekwa wazi rasmi.

Bubista alivyoifanya Cape Verde kuacha alama Kombe la dunia 2026

Sisti Herman

July 15, 2026

Umuhimu Himid Mao, Kagoma na Abuya kwenye Rest Defence za timu zao.

Sisti Herman

July 8, 2026

Don Carlo alivyobadili Midfield ya Brazil kimajukumu ndani ya mechi 2

Sisti Herman

June 23, 2026

Maswali ya kimbinu waliyoulizana Luis Enrique na Arteta Fainali UCL 2026

Sisti Herman

May 31, 2026

Leagues standings